Carta de axuste
E digo eu…
A velas vir
Cara B
Luz de gas
As Claves
Carta de axuste
E digo eu …
A velas vir
Luz de gas
Cara B
Fiadeiro
A xerarquía católica española acumula décadas de privilexios, escándalos e silencios fronte á corrupción, mais agora sitúase na primeira liña da ofensiva contra un goberno elixido democraticamente. A deslexitimación institucional convértese nunha ferramenta para erosionar a democracia sen necesidade de tanques nin uniformes.
A política migratoria da Unión Europea afástase cada vez máis dos principios cos que naceu. O endurecemento das medidas contra a inmigración, a aproximación aos postulados da extrema dereita e decisións como os contactos cos talibáns alimentan a percepción dunha Europa que sacrifica dereitos e solidariedade en nome do control das fronteiras.
A historia recente das elites empresariais españolas tamén se pode ler desde as súas ausencias. Mentres o capitalismo financeiro consolida o seu poder arredor do IBEX35, Galicia perde centros de decisión propios. Ao tempo, a chegada de SAIC-MG a Ferrol simboliza o avance dun capitalismo de Estado chinés que desafía a vella orde económica occidental.
A guerra en Gaza continúa a deixar un ronsel de morte e destrución, coa infancia palestina como principal vítima. Mentres medran as denuncias internacionais por crimes de guerra e xenocidio, a inacción dunha boa parte da comunidade internacional alimenta unha traxedia humana que non deixa de agravarse.
A dependencia financeira do Reino Unido vai moito máis alá da súa alianza política cos Estados Unidos. O verdadeiro alicerce da súa estabilidade reside nun sistema que condiciona a capacidade de decisión de calquera goberno británico e limita a súa soberanía económica, sometida ás esixencias dos mercados e do capital financeiro estadounidense.
Ti vai facendo
O "ti vai facendo" convertido en método de goberno serve para explicar unha forma de exercer o poder baseada na maioría absoluta, o control das institucións e a utilización da lei como coartada. O conflito arredor do CGAC reabre un vello debate sobre o caciquismo, a política cultural e os límites da discrecionalidade na Galicia actual.
Trump, Infantino e o negocio da desorde mundial
O Mundial de 2026 deixa de ser só un acontecemento deportivo para converterse nun espello da nova orde global. Entre o liderado personalista de Trump, a FIFA de Infantino e o declive do multilateralismo, o fútbol aparece como un negocio político onde o espectáculo serve para lexitimar o poder e ocultar as súas contradicións.
León XIV asumiu o custo reputacional que para a Igrexa dos pobres e dos máis vulnerábeis comportou o exhibicionismo populista e propagandista deseñado pola Conferencia Episcopal rouquista, a cambio de conseguir o que priorizou para a igrexa española na axenda desta viaxe.
A democracia pode erosionarse sen tanques nas rúas nin golpes militares. A combinación de presión mediática, activismo xudicial, poder económico e mobilización política emerxe como unha ameaza capaz de alterar a vontade popular e debilitar as institucións desde dentro.
Mentres Washington endurece a presión sobre Cuba en nome da democracia e os dereitos humanos, en boa parte de Centroamérica multiplícanse as denuncias por autoritarismo, persecución política e deterioro social sen provocar unha reacción semellante. A comparación revela unha evidente dobre vara de medir na lectura occidental da rexión.
A universidade continúa a presentarse como a gran ferramenta de mobilidade social, mais os datos galegos amosan unha realidade menos esperanzadora. A maioría do alumnado procede de fogares con estudos superiores, mentres os fillos e fillas de familias non universitarias seguen infrarrepresentados. Ata que punto a educación superior funciona como ascensor social ou como mecanismo de reprodución das desigualdades?
Millóns de euros transferidos dos petos da cidadanía ás contas de resultados da banca, centos de milleiros de afectados e unha batalla xudicial que acabou consolidando a impunidade. O caso do IRPH amosa como determinadas interpretacións dos tribunais poden converter a protección dos consumidores nun obxectivo practicamente inalcanzábel e reforzar os privilexios do poder financeiro.
Entre o endurecemento do bloqueo estadounidense e as limitacións dun sistema político e económico cada vez máis cuestionado, Cuba atravesa unha das crises máis profundas da súa historia recente. Soberanía, democracia, pobreza e dereito a decidir entrecrúzanse nun escenario marcado pola presión exterior e polas contradicións internas.
O debate sobre o financiamento territorial adoita centrarse no que reciben as comunidades autónomas, pero menos no que achegan ao sostemento do Estado. A análise dos chamados “cupos implícitos” permite medir ese esforzo redistributivo e abre interrogantes sobre os privilexios fiscais, a solidariedade interterritorial e os límites das reformas actualmente en discusión.
A reforma do financiamento autonómico abre unha oportunidade para mellorar recursos e corrixir desequilibrios históricos. Mais tamén reordena posicións de poder, alimenta receos territoriais e choca cun clima político cada vez máis polarizado. Entre a necesidade do acordo e os cálculos partidarios, o risco é que a solución volva quedar atrapada no conflito.
