Coa intención de facer unha análise certeira do caso Errejón, reformulando preguntas no canto de nos acomodar ás fáciles (in)certezas do ruído mediático, desde TEMPOS solicitóuselle a tres mulleres puntos de vista que nos permitan ampliar os focos desde onde prolongar a reflexión.
Un Me-Too político en España?
A polémica arredor de Íñigo Errejón suscita cuestións fundamentais que afectan ao debate público sobre a vixencia e o futuro das reivindicacións do feminismo, cuestións que deben ser analizadas en profundidade na procura dunha resposta colectiva.
Espectáculo mediático, crise política e o espazo público das mulleres
A denuncia da actriz Elisa Mouliaá converteu o caso Errejón nun novo espectáculo de telerrealidade. Como acontece con demasiada frecuencia, a cuestión foi abordada desde a morbosidade, como o xiro dramático dun guión cinematográfico que converte ao bo da película no vilán.
Por desgraza, os actos machistas seguen a ser hoxe recorrentes en múltiples espazos e perpetrados por todo tipo de individuos, mesmo algúns que se amosan como referentes que con poderosos altofalantes teñen un impacto significativo na nosa sociedade. O acontecido co deputado Íñigo Errejón entra dentro deste marco de referencia, e neste artigo ímolo contemplar desde a perspectiva do consentimento e a educación sexual.
