Juan Gestal, profesor emérito da USC: “Hai risco de novas pandemias”
A próxima pandemia non é unha hipótese, senón unha posibilidade permanente. O profesor emérito da USC Juan Jesús Gestal Otero advirte de que o verdadeiro reto non é evitar o inevitable, senón mellorar a preparación, reforzar a vixilancia epidemiolóxica e garantir unha resposta global baseada na cooperación e na equidade, sen as que ningunha sociedade estará realmente protexida.
Antonio Simón leva máis de medio século dedicado a construír o teatro galego desde todos os oficios posibles: actor, escenógrafo, director, produtor ou docente. Premio da Academia Galega de Teatro 2026, reivindica o escenario como a súa prioridade vital e percorre unha traxectoria inseparable da profesionalización e da historia recente das artes escénicas en Galicia.
Germán Labrador cuestiona a idea dun canon literario e artístico asentado en criterios neutrais e reivindica unha lectura da cultura desde as marxes, a memoria e o conflito. A pegada da cultura da Transición, o poder da ficción, o papel das institucións culturais e a disputa polo sentido dos clásicos nun tempo de fonda crise cultural centraron a conversa que mantivemos con el.
Joaquín Urias, profesor de Dereito Constitucional: “Perder apariencia de imparcialidade xera desconfianza”
A crecente xudicialización da política e a perda de confianza cidadá na xustiza alimentan unha crise institucional que transcende os tribunais. As filtracións, a percepción de falta de imparcialidade, o lawfare e o papel dos xuíces nos grandes conflitos políticos sitúan o Estado de dereito no centro dun debate cada vez máis intenso. De todos estes temas falamos co profesor de Dereito Constitucional Joaquín Urías.
O cineasta Ángel Santos regresa coa súa terceira longametraxe, Así chegou a noite, un filme galardoado en Xixón que indaga nas contradicións humanas, o illamento e o peso do pasado. Fronte ao maniqueísmo actual, o director pontevedrés defende un cinema independente, intuitivo e de ritmo demorado, onde os espazos son o motor da narración e cada plano agocha un avance rigoroso.
Senen Barro, director científico do CiTIUS: “Se poño o foco no resultado, si, a máquina pensa”
A intelixencia artificial transformou xa a forma de producir coñecemento, tomar decisións e relacionarnos coa tecnoloxía. Conversamos co científico Senén Barro, que vén de publicar "Poden pensar as máquinas" (Alvarellos Editora, 2026), para cuestionar os marcos tradicionais cos que abordamos este fenómeno e advirte dos desafíos políticos, económicos e enerxéticos que acompañan unha revolución chamada a redefinir o equilibrio global.
Xosé Carlos Arias, economista: ‘O tempo é ouro’: finanzas lóstrego e recesión democrática
A democracia pensa en anos; as finanzas actúan en microsegundos. Entre ambos os ritmos ábrese unha fenda cada vez maior que fortalece os mercados, concentra poder nas grandes tecnolóxicas e debilita a capacidade dos Estados para responder aos desafíos do noso tempo. Son algúns dos temas sobre os que reflexiona o economista Xosé Carlos Arias nesta entrevista.
Melchor Fernández, economista: “A xestión da inmigración foi un fracaso”
A regularización masiva de persoas inmigrantes non é unha solución, senón o recoñecemento dun fracaso na xestión política. O catedrático Melchor Fernández analiza nesta entrevista como Galicia e España dependen dun fluxo migratorio ineludible, mentres o sistema público e o mercado laboral fallan na súa integración real.
Susana Mangana, experta en Oriente Medio: “Delegamos a seguranza europea nun aliado que non é tal”
A intervención de EE.UU. e Israel en Irán enfronta un paradoxo social: o profundo malestar interno contra o réxime dos aiatolás choca co "orgullo nacional" fronte á agresión externa. Para comprender as claves do conflito, dende o peso do lobby sionista na estratexia de Trump ata a resistencia cultural dunha sociedade que entende o sacrificio como un piar identitario, conversamos con Susana Mangana, investigadora e experta en Oriente Medio.
Mohammad Nazari, estudante iraniano en España: “A agresión súmase aos problemas que xa tiñamos”
Mohammad Nazari, estudante iraniano en España, fala do impacto da guerra e a represión no seu país. Na conversa que mantivemos con el denuncia o illamento social, o sufrimento civil ante os ataques externos e a complexa resistencia dun réxime que asfixia á mocidade.
