Amador Fernández-Savater é un dos pensadores a quen se asocia particularmente coa remoción das ideas dominantes na esquerda española a partir do movemento do 15 M, un vínculo do que, como se advertirá nesta entrevista, non renega. Os seus traballos poden consultarse na web www.filosofiapirata.net. Tempos Novos conversou con el sobre o seu último libro publicado: Capitalismo Libidinal (NED ediciones 2024).
Ante os últimos acontecementos en Siria, recuperamos esta entrevista co xornalista hispanosirio Pablo Sapag que nos achegou, inmediatamente despois da caída do réxime de Al Assad, chaves interpretativas para comprender o que acontece hoxe no país. Nos últimos días foi asasinado case un milleiro de civís, alauís fundamentalmente, no contexto da represión dunha insurrección.
Carlos Callón: “Cando nos preguntamos polo pasado, no fondo non deixamos de nos preguntar polo futuro”
Carlos Callón (Ribeira, 1978) conta cunha longa traxectoria de estudos sociolingüísticos e históricos. A súa máis recente publicación, "Vidas e historias LGBT da Idade Media", retorna a un tema de investigación que xa ten tratado no pasado. A obra mergulla nunha realidade que encadra no seu tempo e lugar, desvendando unha Idade Media moito máis diversa do inicialmente intuído. Unha publicación non allea a polémicas xurdidas do presentismo.
![[Conversa] César Portela – Daniel Pino. Á procura da vivenda vivíbel](https://temposdixital.gal/wp-content/uploads/2025/03/cesar-portela-daniel-pino-2-1080x675.jpg)
[Conversa] César Portela – Daniel Pino. Á procura da vivenda vivíbel
Para falarmos sobre a problemática da vivenda, xuntamos dúas voces acreditadas: César Portela e de Daniel Pino. O primeiro, figura imprescindíbel da arquitectura galega contemporánea. O segundo, urbanista de renome, director do Instituto Galego de Vivenda e Solo durante o gran pulo funcional dese organismo.
David Rémy, profesor e investigador francés. A didáctica e o profesorado de Filosofía.
David Rémy ten unha longa traxectoria como profesor de filosofía en varios Lycée, amosando sempre unha particular preocupación polas cuestións didácticas implicadas no ensino da materia, asunto sobre o que versou a súa tese de doutoramento titulada "Ensinar a filosofía: dilemas e normas do oficio". Precisamente a didáctica da filosofía centrou a conversa que mantivemos con el.
Antón Costa Rico: “Temos que recuperar o pensamento crítico”
Antón Costa exerceu un papel senlleiro, tanto como docente como decano da Facultade de Ciencias da Educación da Universidade de Santiago de Compostela. Tamén como presidente de Nova Escola Galega, director do Instituto de Ciencias da Educación da universidade compostelá e presidente da Sociedade Española de Historia da Educación. Conversamos, nunha tarde de inverno, baixo os altos teitos do claustro do Museo do Pobo Galego, deixando ir a parola entre o hoxe, o onte e o mañá.
Alberto Gracia, director de La parra
Foi un dos premios Cineuropa da edición deste ano do certame compostelán. Vén de gañar con La parra o Premio Alquimias na SEMINCI de Valladolid, logo irá ao Fetival de Xixón, ao festival Márgenes e terá senllas presentacións no Museo Reina Sofía e no MUSAC de León. Alberto Gracia mantense nun delicado equilibrio entre a experimentación e a narratividade convencional, e sempre dende unha honestidade radical dun pensamento propio aplicado ao cinema.
Pablo Beramendi, Catedrático de Ciencia Política: “A corrupción será o gran legado de Trump”
Trump retorna á Casa Branca tras unha vitoria electoral rotunda impensable hai catro anos. Consuma a súa particular vinganza logo da humillación de 2020 e abre un escenario inédito. Na enleada realidade política dos Estados Unidos buscamos unha voz que poida orientarnos no labirinto. Conversamos con Pablo Beramendi, Catedrático de Ciencia Política na Duke University (Carolina do Norte), criado en Galicia, un exemplo desoutra América cosmopolita que tanto parece molestar ao trumpismo.
Entre granulados e Altri acabou 2024
A crónica de 2024 ten un foco destacado na preocupación medioambiental; se no inicio do ano o protagonismo foi para os vertidos de granulados, nos últimos compases foi a manifestación do 15 de decembro contra Altri a que fixo visible unha contestación social que non fixo senón medrar nos últimos meses.
Trump II: un mundo en vilo?
Para comprender os posibles escenarios que se aventuran tras a vitoria de Donald Trump, conversamos con Robert Matthews, Ph.D da New York University e especialista na política exterior estadounidense; Mariano Aguirre, membro asociado de Chatham House (Londres) e autor de Guerra Fría 2.0 (Icaria, Barcelona, 2023); Mónica Hirst, profesora da universidade Torquato di Tella e investigadora do IESP-UERJ; e Carolina Jiménez, presidenta da Oficina en Washington para Asuntos Latinoamericanos (WOLA, siglas en inglés).
