Para diagnosticar con claridade a situación arredor dos lumes e pór sobre a mesa iniciativas e medidas que poderían modificar a paisaxe que os alimenta, neste dossier damos voz a persoas vinculadas, de forma multidisciplinar, ao mundo agrario e forestal galego.
Despois dos incendios, que facer?
As medidas a curto prazo, como as anunciadas pola Xunta de Galicia, son necesarias, mais apenas van incidir na estrutura causal dos lumes e terán unha eficacia moi limitada no tempo. É por tanto preciso actuar de cara á recuperación e renovación das actividades agro-silvo-pastorais que nun pasado recente mantiñan estas bisbarras aínda produtivas.
