O RESIS consolidouse na súa novena edición como un dos grandes referentes da música contemporánea en España grazas a unha programación de extraordinaria coherencia artística, capaz de conectar vangarda, tradición e experimentación. A homenaxe a Morton Feldman serviu de fío condutor para un festival que converteu a escoita nunha experiencia estética total.
A XII edición do Festival Escenas do Cambio consolidouse como un espazo de catarse colectiva a través de corpos disidentes, rituais de resistencia e historias de soidade compartida. Unha rede de conexións escénicas e innovación iconoclasta que demostrou que a arte viva segue a ser un motor transformador do que é imposible saír igual.
O Play-Doc -Festival Internacional de Cine de Tui- acaba de celebrar a súa vixésimo segunda edición (29 de abril a 3 de maio), tan rico e orixinal coma nos ten acostumados. Hai tempo que deixou de ser unha cita cultural máis no calendario para converterse nunha experiencia. Por iso, a fidelidade do seu público é inquebrantable, presto a acudir a esta chamada obrigada. Dende logo, atractivos non lle faltan a este espazo de pensamento e reivindicación, sempre co documental de autor como bandeira.
O Conecta Lab volveu un ano máis á Illa de San Simón para celebrar unha nova edición do seu laboratorio de creación audiovisual. Esta cita afrontou o seu cuarto encontro, que tivo lugar entre o 14 e o 20 de abril, nunha semana de traballo intensivo e convivencia creativa que gozou dunha dimensión especial neste recuncho da ría de Vigo. Todo sucedeu segundo o ritual habitual, especialmente na súa capacidade para situar os creadores nun lugar afastado do mundanal ruído, onde os proxectos poden ser contemplados con maior pausa, perspectiva e profundidade.
O bangla ou bengalí, un dos idiomas máis falados do mundo, é oficial nun dos países con máis densidade de poboación, a chamada, no propio idioma, terra do bangla: Bangladés. Mais non só de terra se alimenta o lugar, pois tamén se nutre de auga: a da baía que rodea a súa contorna e a que atravesan os seus case mil ríos.
Unha vez máis, o Novos Cinemas – Festival Internacional de Cinema de Pontevedra pechaba o calendario de festivais cinematográficos en Galicia. Foi o ano da súa décima edición (9-14 de decembro), ofrecéndonos unha nova lección de cinefilia a través da súa ampla e atinada programación. Todo sucedeu segundo o guión habitual, especialmente na súa capacidade para conectar o público cun cinema pequeno que, alén dos grandes titulares, merece ser descuberto.
O certame compostelán premiou este ano un filme de estética e narrativa arriscadas, Anoche conquisté Tebas, unha produción galega con dirección de Gabriel Azorín. Houbo ocasión, tamén, de ver os títulos que mellor acollida obtiveron en Cannes, Berlín ou Venecia, o que demostra que Cineuropa, acadadas xa ás trinta e nove edicións, segue apostando pola calidade, a variedade, a vangarda ou a cinefilia.
Papúa Nova Guinea, PNG, fai cincuenta anos, este 2025, como arquipélago-nación independente. Ese recoñecemento político formouse durante milleiros de anos, pois os primeiros poboadores chegaron hai uns 50.000 anos. A vaga migratoria inicial, de orixe africana, cruzou...
O Chanfaina Lab, celebrado entre o 5 e o 7 de setembro, acadou a súa décima edición xuntando novamente ducias de creadoras e creadores unidos pola paixón polo cine e a vontade de narrar e compartir unha historia, unha mirada ou un enfoque persoal agromado en...
Dun tempo a esta parte, o MDOC – Festival Internacional de Documentário de Melgaço converteuse nun referente entre os festivais de cinema que se celebran durante o período estival.
