Para analizar a realidade do fenómeno migratorio en España e, moi especialmente, en Galicia, contamos neste dossier co testemuño do catedrático da USC e autoridade no estudo do mercado laboral Melchor Fernández, así como coas contribucións dos economistas Manoel Barbeitos e Gonzalo Rodríguez, e o educador social Francisco X. Cela.
Un amplo dossier que analiza a expansión da pornografía e a súa influencia nas novas xeracións. O dossier percorre a historia dende as orixes clandestinas ata a actual “pornocultura” dixital. A través de voces como Xosé Cabido, Ana de Miguel e as autoras de “Las trampas de la pornografía”, debátese sobre a mercantilización do corpo e unha educación sexual baseada na falta de formación.
A propósito do recente anuncio por parte do goberno de España sobre a realización dun estudo de viabilidade para un tren de proximidade en Galicia, recadamos a opinión de tres coñecedores do tema que, dende distintas posicións, nos achegan as súas propostas para un debate necesario e oportuno.
Cada vez son menos os que dubidan que asistimos a un cambio climático froito da acción humana. Neste dossier, expertos e expertas, tomando como base o papel clave dos océanos na regulación do clima, analizan a situación actual e as perspectivas futuras.
Un amplo dossier sobre a situación da vivenda no que contamos con voces expertas e autorizadas para deseñar e traer á luz non só un estado da cuestión senón un percurso histórico e un exemplo de alternativas ao actual modelo de vivenda.
Voces autorizadas axúdannos a entender o mundo que vén neste recén inciado ano 2025. Desde a caída do réxime sirio até a fortaleza da extrema dereita francesa, a guerra en Gaza e o regreso de Trump.
Da crise da educación leva falándose desde o último cuarto do pasado século. É, en realiade, tema recurrente ao longo da historia. Nos textos que seguen ponse o acento en dúas cuestións que acadan especialmente relevancia nos debates recentes. Por unha banda, a introdución das novas tecnoloxías no ensino. Por outra, a controversia arredor do que algúns cualifican como “novas pedagoxías”.
