Os arquitectos do futuro: quen decide como pensa a intelixencia artificial?
A revolución da intelixencia artificial xa non ten rostro anónimo. Detrás dos modelos que condicionan a información, a economía e a vida pública hai persoas, empresas e visións do mundo en conflito. Quen decide os valores das máquinas está a decidir tamén os límites do poder, da democracia e da soberanía tecnolóxica do século XXI.
Galicia non é un territorio baleiro nin carente de capacidades. Dispomos de todo o que se precisa para modelar unha industria galega do século XXI: robusta, conectada ao mundo e comprometida coa súa contorna. E o momento de facelo é agora.
Innovación urxente e con impacto
A capacidade innovadora de Galicia está en cuestión. De vinte e un indicadores, só en seis estamos por enriba da media. Nos outros quince, suspendemos. Precisamos un plan de choque que nos equipare coas rexións máis activas de Europa.
A prosperidade dun país está directamente vinculada á súa capacidade de adaptación. Resolver retos ambientais como o cambio climático, responder a desafíos sociais como atopar tratamentos para enfermidades como o cancro, avanzar economicamente mediante a modernización tecnolóxica, crear en definitiva unha sociedade mellor para os nosos fillos e fillas. Galicia necesita solucións para grandes problemas que, sendo globais, afectan á vida cotiá das persoas.
