O anuncio de imposición de aranceis de Donald Trump provocou reccións inmediatas en forma de contraataques arancelarios que axiña tiveron consecuencias nas perdas millonarias en Bolsa, no abandono por parte dos inversores da débeda pública estadounidense, na caída do dólar e na imaxe dunha Casa Branca dividida. As presións dos multimillonarios, moitos deles sufragadores da campaña electoral de Trump, obrigárono a recuar. Porén, a espada arancelaria segue activada. Cal será finalmente o seu alcance? Cales as consecuencias?