O debate arredor do ChatGPT e a petición dunha moratoria para a súa implementación xeneralizada, trouxo ao primeiro plano unha cuestión que xa viña alimentándose desde hai tempo: ata que punto os desenvolvementos da Intelixencia Artificial (IA) non abren a porta a un ámbito de posibilidades novas que, a carón de indubidables melloras, encerra tamén un horizonte de riscos que escapa ao control da propia humanidade que os puxo en marcha.