Francisco Cortez-Lobão Sineiro arquivos

Fútbol e folgas

by Francisco Cortez-Lobão | De sete a sete

A cidade da Coruña concentrou boa parte da actualidade semanal de Galicia por motivos ben distintos. Por unha banda, confirmouse que o estadio Abanca Riazor será unha das sedes do Mundial 2030. Pola outra, porque continúa unha folga na recollida de lixo que xa inundou as redes sociais de imaxes de bolsas acumuladas e mesmo algunha rata, ese compañeiro urbano no que só reparamos cando a situación hixiénica se descontrola. A alcaldesa deu un golpe na mesa e dá 72 horas para tomar medidas extraordinarias.

Galicia, refuxio na desintegración das coalicións conservadoras

by Francisco Cortez-Lobão | De sete a sete

Os ecos do terremoto político na dereita non conseguen tronzar os duros alicerces do Macizo Galaico. Na illa da estabilidade que é Galicia, o PP non queda en minoría parlamentaria, posto que non depende de ninguén cons seus 40 deputados sobre 75. Excepcións no panorama fragmentado que deixou a longa crise do sistema español de partidos, os parlamentos de Galicia, Madrid e Andalucía sustentan gobernos populares en solitario onde Vox, mesmo cando ten deputados de seu, pinta pouco. En Galicia, onde a representación do partido se limita a unha concelleira en Avión, as ameazas de Santiago Abascal soan, nunca mellor dito, a outro idioma. Neste panorama, o Goberno galego reivindicouse como “lugar de acollida”

Desigualdade e singularidade

by Francisco Cortez-Lobão | De sete a sete

Mentres Galicia perdía unha personalidade como Justo Beramendi, o Goberno galego sumábase a unha cruzada uniformizadora que leva anos soando como un rumor de fondo en cada nova convocatoria de probas de acceso á universidade. A descentralización en España supuxo un recoñecemento da pluralidade cultural e lingüística, pero tamén social, histórica ou até xeográfica que, porén, leva moito tempo sendo posta en cuestión por sectores transversais, se ben escorados a estribor, da vida pública española. As autonomías gobernadas polo PP, incluída Galicia, fan grupo para reclamar unha ABAU común que, disque, acabe coas desigualdades no acceso á universidade en distintos puntos de España. Nunca se explica cales son esas desigualdades.

José A. Martín Pallín, Maxistrado emérito do TS: “A situación política e xudicial é anómala”

by Francisco Cortez-Lobão Sineiro | A contratempo, Entrevista, Política

O maxistrado emérito do Tribunal Supremo, José Antonio Martín Pallín mantén un interese e un ollar profesional sobre a deriva da xustiza en España. É unha voz destacada na defensa da amnistía e da eliminación do delito de sedición. Conversamos con el nun tempo marcado polas eleccións europeas e pola campaña política e xudicial arredor da investigación de Begoña Gómez, esposa do presidente de Goberno.

Este contido é exclusivo para subscritores
Seguir lendo

Da pasteira á mina

by Francisco Cortez-Lobão | De sete a sete

Ao finalizar o Consello da Xunta, o presidente, Alfonso Rueda, anunciaba a concesión da consideración de Proxecto Industrial Estratéxico para a mina de Cobre San Rafael en Touro-O Pino. Unha forma de acelerar a reapertura deste proxecto, pechado en 1986, que causou un profundo malestar e mobilización social nas comarcas afectadas cando se anunciou a súa resurrección. Cómpre lembrar que a propia Xunta de Galicia considerou, hai catro anos -cando o actual presidente era o seu vicepresidente- que o proxecto mineiro era unha ameaza para os recursos hídricos e o ecosistema fluvial Ulla-Deza. O ecoloxismo e o asociacionismo galego, moi activo xa polo proxecto de Altri en Palas de Rei, responderá con previsíbel contundencia á posibilidade da instalación mineira.

Un “disparate” na AP-9

by Francisco Cortez-Lobão Sineiro | De sete a sete

O expresidente do Goberno, José María Aznar, tiña xa en mente a privatización da autoestrada -efectuada en 2003- cando prorrogou a concesión da mesma. Así se revela en documentos da Comisión Europea. O comisario de Mercado Interior enviou unha misiva ao Goberno español onde se demostra que en 1999 o executivo xa planeaba a privatización, polo que a prórroga era só un xeito de elevar o seu valor de mercado. España vulnerou así os principios de igualdade de trato, xa que non se licitou o proceso nin se organizou un procedemento de contratación pública. O escándalo, que podía ser maiúsculo en Galicia, parece máis ben unha detonación controlada.

Un quebraxeos na Arousa

by Francisco Cortez-Lobão | De sete a sete

O Artic Sunrise, buque insigna de Greenpeace, encabezou a manifestación marítima do pasado mércores convocada pola Plataforma en Defensa da Ría de Arousa. Ducias de barcos sucaron as augas demostrando unha vez máis que é a defensa do medio ambiente un dos grandes, e máis espectaculares, focos de mobilización social no noso país. A caída na produción ten sido constante nos últimos anos, e o proxecto de Altri en Palas de Rei e o seu potencial impacto augas abaixo ten o sector moi preocupado.

José A. Martín Pallín, maxistrado emérito do TS: “A situación política e xudicial é anómala e un mal sinal”

by Francisco Cortez-Lobão Sineiro | As claves, Entrevista

José Antonio Martín Pallín (A Coruña, 1936) é unha voz veterana e recoñecida na maxistratura española. Maxistrado emérito do Tribunal Supremo, do que foi fiscal, foi presidente da Unión Progresista de Fiscais e portavoz de Xuíces para a Democracia. Xubilado dende 2006, mantén un interese e un ollar profesional sobre a deriva da xustiza en España, sendo un prolífico columnista de prensa e unha voz destacada en defensa da amnistía e pola eliminación do delito de sedición. Conversamos con el a dous días dunhas eleccións xerais marcadas pola campaña política e xudicial arredor da investigación de Begoña Gómez, esposa do presidente de Goberno.

Ourense, Europa

by Francisco Cortez-Lobão Sineiro | De sete a sete

Cinco agónicos anos despois de chegar á alcaldía por primeira vez -con dous momentos de gloria como foron as eleccións municipais de 2023 e as galegas de 2024, onde Democracia Ourensana entrou no Parlamento con apenas 15.000 votos- Gonzalo Pérez Jácome continúa enfrontado a alguén. A fronte nesta ocasión volve estar aberta entre persoal municipal e o rexedor. A xustiza vén de estimar a demanda que o interventor municipal formulou contra Jácome e a Administración por acoso laboral. O Xulgado do Social Nº1 de Ourense declarou nulo o cesamento do interventor e obriga a repolo no posto inmediatamente, cunha indemnización de 30.000 euros. O alcalde ourensán apresurouse a aclarar no pleno municipal que recorrerá a sentenza.

A romaría europea

by Francisco Cortez-Lobão Sineiro | De sete a sete

Este sábado, 1 de xuño, Ursula Von der Leyen deixouse acompañar por Alberto Núñez Feijoo e Alfonso Rueda nunha visita á Catedral de Santiago de Compostela e, posteriormente, pola romaría do PP a pouca distancia, no concello do Pino. O importante músculo do PP galego, ben demostrado o pasado mes de febreiro, convida a facer do país unha escala na caravana europea aínda que só sexa para garantir unhas fotos concorridas. Se cadra Von der Leyen non o sabe, pero neste 1 de xuño pasea por un dos últimos lugares de Europa onde a extrema dereita nin está nin se espera. Oxalá marche coas pilas do ‘sentidiño’ cargadas.

« Older Entries

Next Entries »