Vinte anos despois de Bs. As., Alberte Pagán reivindica un cinema que desafía as convencións narrativas para activar o pensamento crítico. Nesta conversa, reflexiona sobre a dimensión política das imaxes, a experimentación como forma de resistencia, Palestina, o Novo Cinema Galego e o lugar que ocupa hoxe un cinema feito á marxe da industria.
O cineasta Ángel Santos regresa coa súa terceira longametraxe, Así chegou a noite, un filme galardoado en Xixón que indaga nas contradicións humanas, o illamento e o peso do pasado. Fronte ao maniqueísmo actual, o director pontevedrés defende un cinema independente, intuitivo e de ritmo demorado, onde os espazos son o motor da narración e cada plano agocha un avance rigoroso.
O certame compostelán premiou este ano un filme de estética e narrativa arriscadas, Anoche conquisté Tebas, unha produción galega con dirección de Gabriel Azorín. Houbo ocasión, tamén, de ver os títulos que mellor acollida obtiveron en Cannes, Berlín ou Venecia, o que demostra que Cineuropa, acadadas xa ás trinta e nove edicións, segue apostando pola calidade, a variedade, a vangarda ou a cinefilia.
No marco da inauguración da nova edición do Festival Curtocircuíto tivo lugar a proxección de Ariel, de Lois Patiño, filme que busca, paradoxalmente, transmitir o carácter lixeiro, efémero e poético do vento a través da personaxe protagonista.
Oliver Laxe, director de cine
Conversar con este cineasta, quen tamén pregunta a quen fai as preguntas, implica unha deriva constante cara o transcendentalismo, mais o que importa é que, deste xeito, as películas desfrútanse máis e compréndense mellor.
Alfonso Zarauza, cineasta. Do contexto exterior en “Os fenómenos” ao contexto interior en “Ons”
Alfonso Zarauza leva trinta anos facendo cine. Un camiño de vivencias persoais levadas á pantalla e de sabedoría no traballo artístico sobre os espazos, sexa Compostela ou sexa a illa de Ons. Desa dura e longa aprendizaxe falou neste entrevista.
Alberto Gracia, director de La parra
Foi un dos premios Cineuropa da edición deste ano do certame compostelán. Vén de gañar con La parra o Premio Alquimias na SEMINCI de Valladolid, logo irá ao Fetival de Xixón, ao festival Márgenes e terá senllas presentacións no Museo Reina Sofía e no MUSAC de León. Alberto Gracia mantense nun delicado equilibrio entre a experimentación e a narratividade convencional, e sempre dende unha honestidade radical dun pensamento propio aplicado ao cinema.
A programación desta trixésimo oitava edición tivo o mérito de poñer a dialogar o mellor dos filmes actuais cunha mostra daqueles outros que foron capaces de retratar o seu propio tempo, de achegar reflexións que seguen vixentes. O mesmo cando reflectía a realidade dun determinado momento histórico que cando amosaba o noso mundo, Cineuropa acolleu un bo feixe de miradas coas que interpelar ao espectador.
Xisela Franco, cineasta. A ollada feminista e a paisaxe no documental
Xisela Franco presentou no último Festival de Málaga "Amas da terra", unha peza breve na que as miradas e as voces de distintas mulleres mergullan ao espectador nos labores da horta.
O éxito de Jaione Camborda con “O corno” leva o audiovisual galego a unha nova fronteira. Falamos con ela desta historia sobre os corpos, os xestos e as miradas das mulleres en tempos de prohibicións aínda non esquecidos.
