Pola notoriedade que outorga, o Premio Nobel é a máxima instancia de consagración da chamada República Mundial das Letras. Por iso, o feito de publicar en galego obras de Kazuo Ishiguro, de Louise Glück ou de László Krasznahorkai antes de que lles dean o Nobel reforza a posición das editoriais que traduciron a súa obra.
Autoría voluntaria fronte a acumulación simbólica
Mediante a reflexión que imos facer neste artigo, propoñemos a substitución do culto á autoría, á personalidade dun escritor ou escritora, pola celebración da obra. Abandonar a noción de autoría como principio de razón da literatura para adoptar un criterio obxectivo, o da obra autónoma, o da produción de obras literarias como único xeito de celebrar a literatura.
