Carta de axuste
E digo eu…
A velas vir
Cara B
Luz de gas
As Claves
Carta de axuste
E digo eu …
A velas vir
Luz de gas
Cara B
Fiadeiro
De devasas e alfombras
Por agora non hai ningún indicio xudicial que leve a corrupción máis aló de Ábalos, por moito que no PP teimen en facer de Begoña Gómez algo máis que un castelo no ar. Sábeno ben en Xénova, pero iso é o de menos; se se mantén vivo o tempo suficiente, acabará causando danos electorais irreversibles. Ese é o obxectivo.
O Congreso dos Deputados sacou adiante, co voto favorábel da maioría da investidura coa notoria ausencia do BNG -que se opuxo-, a convalidación do decreto-lei de renovación urxente da Radio Televisión Española coa que pretende desbloquear a mudanza dos membros do consello do ente público. Fíxoo nunha sesión marcada polos terríbeis acontecementos en Valencia e o levante español tras o paso da DINA (depresión illada en niveis altos) que deixou preto dun centenar de mortes. O PP e Vox ausentáronse do pleno, botando man da traxedia para construír o relato dun goberno que lexisla sen escrúpulos para controlar con man de ferro os medios públicos mesmo no medio dunha catástrofe nacional.
Case dous de cada dez fogares viven en Galicia en réxime de alugueiro segundo o IGE, cifra que vai en crecemento (uns 160.000) e que, ademais, afronta unhas mensualidades que se disparan ao non existir un parque público de vivendas en réxime de alugueiro taxado en liña coa media europea.
Todos os indicadores sociolingüísticos apunta ao que o galego está máis ameazado que nunca. De non remedialo a tempo, as aspiracións dos representantes do supremacismo lingüístico español de levar o galego a unha vía morta poden acabar por converterse en realidade.
![[Tres en raia] Vagas de calor e cambio climático](https://temposdixital.gal/wp-content/uploads/2024/09/contaminacion-quecemento-global-1080x675.jpg)
A DINA (Depresión Illada en Niveis Altos) impactou con forza no levante peninsular, deixando un rastro de destrución e máis de 70 mortos entre as comunidades autónomas valenciana, castelán-manchega e andaluza. Os expertos científicos levan moito tempo avisando de que o cambio climático reforzaría a frecuencia e gravidade de fenómenos climatolóxicos extremos. Recuperamos os textos de Julen Rekondo, Xosé Veiras García e Xabier Vázquez Pumariño no número 329 de Tempos Novos sobre a urxencia de acometer medidas ante a mudanza climática e as consecuencias, xa traxicamente visibles, de non afrontar este desafío.
O noso colaborador Julen Rekondo, experto en temas ambientais e Premio Nacional de Medio Ambiente, comparte unhas reflexións urxentes sobre o desastre climatolóxico que vén de acontecer no levante peninsular, nomeadamente na Comunidade Valenciana. Cos poucos datos de que se dispón actualmente, mentres as autoridades seguen traballando sobre o terreo e a cifra final de vítimas non está establecida, Rekondo bota unha mirada o máis ampla posible sobre os antecedentes e sobre o impacto da mudanza climática sobre fenómenos como a gota fría. Unha tráxica advertencia para repensar a nosa relación coa natureza.
O goberno de Sánchez aprobou recentemente un decreto que, baixo a escusa de resolver o bloqueo que impide a renovación do consello de administración da CRTVE, cambia o sistema de maiorías e asegura decidir a gobernación do ente sen os votos do PP e VOX. O autor deste artigo bota man desa polémica decisión para argumentar a súa análise sobre as consecuencias da hipocrisía na política.
Leo un correo que me vén de enviar UNICEF -quen me ten puntualmente informado- que, entre outras cousas, di: “Intensos bombardeos, desprazamentos masivos e falta de accesos no Norte de Gaza obrigan a adiar a campaña de vacinación contra a poliomielites. Esta fase final da campaña en curto pretendía vacinar a 119.279 nenos e nenas en todo o norte de Gaza”.
Volven os debates cíclicos sobre infraestruturas. Nunca acaba de marchar de todo o da AP-9, sobre a que o Congreso aprobou recentemente unha iniciativa que insta ao Goberno español a anular a prórroga da autoestrada, asumindo a xestión directa e, de pasaxe, eliminando as peaxes. A troca de titularidade -pertence agora a un fondo dos Países Baixos- non fai máis que acrecentar a incerteza. Pero, se hai un asunto que sempre asegura titulares en Galicia, é o “aldraxismo”, esa tendencia á mecha curta cando se sente agraviado o país. Ese mesmo aldraxismo impregna os debates cíclicos anteriormente mencionados, e se hai un que ten ese carácter é a cuestión do tren, en calquera das súas variantes, dende que hai máis de 150 anos España comeza a despregar o ferrocarril.
En base a todas estas evidencias resulta correcto asegurar que a monarquía borbónica trouxo, e segue traendo, para os pobos de España custos políticos e sociais. Unha monarquía que non debemos esquecer foi imposta por unha das ditaduras mais crueis e sanguinarias do século XX e que, como puidemos comprobar ao longo desta etapa democrática, está axudando a perpetuar o dominio das forzas conservadoras que controlan a maioría das institucións do Estado español (policía, poder xudicial, exercito, igrexa….). Un control que, a pesar dos avances habidos nas etapas de gobernos progresistas, garanta que as desigualdades sociais e territoriais se manteñan ao longo do tempo. Un control e un dominio que se fai máis visible nos momentos en que se intentan avances tanto en materia social como territorial, cando as forzas conservadoras atopan o apoio das institucións citadas e da propia xefatura do Estado.
Nunha recente análise, sobre o nivel de federalización dos ingresos públicos en distintos países, concluía que o Reino de España estaba lonxe da estrutura centralista de países como Francia, Italia ou Portugal, pero tamén a un nivel escaso se os referentes fosen Canadá ou Alemaña. Co que dentro de España podemos avanzar moito daquel para ser un país máis federal.
A CRTVG está a vivir a primeira folga indefinida da súa historia. O apagón informativo que a propia canle impuxo sobre este fenómeno inédito leva implícito un recoñecemento tácito da razón que asiste aos convocantes. As súas reclamacións non teñen un carácter estritamente laboral ou salarial, senón que supoñen unha chamada de atención sobre o progresivo abandono do carácter de servizo público con que naceu a compañía catro décadas atrás. Trátase dunha mobilización por un servizo público para o conxunto da cidadanía galega do que os seus traballadores se erguen como valedores ante o desleixo de quen debera exercer esa función.
Mal trago nas vías do tren. O presidente da Xunta, Alfonso Rueda, exerceu de cidadán indignado en Twitter -disque agora que a mercou un iluminado ten outro nome- logo de botar media hora nun tren parado que, para maior agravio, partira de Ourense para Madrid cunha hora de atraso. Rueda aproveitou para rematar de esnaquizar calquera paz co departamento de Óscar Puente tras estes atrancos para participar na capital do Estado nunha conferencia sobre o modelo de goberno en Galicia. Se cadra compartiría a técnica maxistral do balón fóra.
O director da revista Tempos Novos, Luís Álvarez Pousa, vén de recibir o Premio de Xornalismo Xosé Aurelio Carracedo na súa vixésimo terceira edición. O xurado salienta no seu fallo a súa longa e intensa traxectoria profesional e a súa contribución á formación das primeiras promocións de xornalistas galegos, alén do seu compromiso co xornalismo cultural e a súa capacidade para xerar pensamento e debate na revista. Destácase no fallo a traxectoria desta publicación, que saíu do prelo ininterrompidamente dende 1997 xuntando ata agora 329 números.
Que en España hai unhas dereitas políticas, xudiciais e mediáticas que conspiran contra a democracia está fora de toda dúbida, e abonda con analiza-las súas actuacións para ver con claridade que esta ofensiva totalitaria existe. Nestes días tivemos unha nova evidencia cando o maxistrado Juan Jose Escalonilla, logo de tres anos de infrutuosas investigacións contra Podemos e as súas finanzas, ten que arquiva-lo caso coñecido co nome de Neurona por falta de probas. Pola súa parte a Audiencia Provincial de Madrid rexeita o último recurso co que Vox combatía as decisións do citado maxistrado.
