O Decreto 8/2026 actúa como un escudo urxente, pero non abonda para sandar as nosas cidades enfermas pola xentrificación. Mentres Galicia queda atrás en investimento e vivenda pública, a fenda entre os anuncios políticos e a necesidade social ameaza con deixarnos un futuro de precariedade.
A elección de Rosa Crujeiras como primeira reitora da USC racha un teito de cristal histórico. Pero, por que tardamos medio século? Tras a vitoria simbólica, queda o reto de converter as leis en feitos e sumar aos homes na loita contra unha involución que ameaza os avances feministas.
Informar converteuse nun acto de heroísmo. Entre a metralla de Gaza e Ucraína e a mordaza das ditaduras, o xornalismo afronta o seu ano máis letal. Unha profesión de alto risco onde a verdade é o obxectivo a perseguir nunha guerra .
Galicia baléirase, pero o problema non é só de berces. Mentres o debate fía políticas de natalidade, os datos revelan un erro de diagnóstico: somos a comunidade que máis emprego xuvenil destrúe. Cunha xeración arrasada e sen futuro laboral, o declive demográfico é a crónica dun desastre anunciado.
Pazo de Meirás: a fin dunha usurpación
O Tribunal Supremo confirma que o Pazo de Meirás é propiedade pública, rexeitando os recursos da familia Franco. Aínda que o fallo ratifica a devolución do inmoble ao Estado, mantén a polémica indemnización aos herdeiros polos gastos de mantemento. Repasamos a historia do pazo, dende a pegada de Pardo Bazán ata o espolio franquista.
Susana Mangana, experta en Oriente Medio: “Delegamos a seguranza europea nun aliado que non é tal”
A intervención de EE.UU. e Israel en Irán enfronta un paradoxo social: o profundo malestar interno contra o réxime dos aiatolás choca co "orgullo nacional" fronte á agresión externa. Para comprender as claves do conflito, dende o peso do lobby sionista na estratexia de Trump ata a resistencia cultural dunha sociedade que entende o sacrificio como un piar identitario, conversamos con Susana Mangana, investigadora e experta en Oriente Medio.
Irán, a guerra longa que Washington non anticipou
O conflito aberto o 28 de febreiro entre Estados Unidos, Israel e a República Islámica reproduce os trazos das guerras de Oriente Próximo que Trump prometera non volver repetir, con obxectivos difusos, custo económico crecente, fracturas na familia MAGA e un réxime que aguanta o golpe. Entre as proclamas de vitoria e a solicitude de 200.000 millóns de dólares adicionais ao Congreso, a administración exhibe unha incoherencia que vai alén da táctica e que afecta á credibilidade mesma da operación.
Porto Alegre acolle a I Conferencia Internacional antifascista e antiimperialista, organizada polo CADTM co apoio de colectivos como ATTAC. O encontro analiza o auxe da extrema dereita e o acaparamento de recursos por parte de fondos voitre. A cita culminará coa redacción da Carta de Porto Alegre, unha folla de ruta que pretende unificar a loita das esquerdas e os movementos sociais.
Dúas conclusións de máxima urxencia á vista do escenario enerxético mundial: suprimir as exportacións directas e indirectas de electricidade de Galicia e, con estes aforros de electricidade reducir os combustibles fósiles.
Unha das máis visibles evidencias dos déficits democráticos en España é o poder que exercen as elites económicas, particularmente a través das portas xiratorias. A connivencia de sectores políticos, mediáticos e xudiciais parece ter dous obxectivos principais: protexer intereses privados e perseguir á esquerda. En Galicia tamén ocorren cousas de difícil comprensión, como a supresión da Sección 3ª da Sala do Contencioso do TSXG que coñecía dos procedementos sobre as autorizacións administrativas relativas a parques eólicos, as suspensións cautelares da súa construción e cuestións de contratación que afectan a concesións hospitalarias., como a do Hospital Álvaro Cunqueiro.
